കത്രിക

നിനക്കെന്നെ പഴി പറയാം ,
ഉപ്പില്ലെന്നു ചൊല്ലി
കറിപ്പാത്രം ചവിട്ടി തെറിപ്പിക്കാം,
മുണ്ടില്‍ കറ മാറിയില്ലെന്നു കലഹിക്കാം ,
ചായക്ക് ചൂടില്ല ,മധുരമില്ല ...
നിന്‍റെ അടിവസ്ത്രം ഉണങ്ങിയില്ല ,ചൊറിയുന്നു..
നീ വിളിക്കുമ്പോളൊക്കെ
മുന്നിലില്ലെന്നും പരാതി.

എനിക്കറിയാം
നിന്നെ പൂട്ടേണ്ട നുകം..
ഒരു തയ്യല്‍ക്കാരന്‍റെ വിരുതോടെ
നിന്നെ വെട്ടിയൊതുക്കാന്‍
ഉണ്ടെനിക്കൊരു കത്രിക
എന്‍റെ തുടയിടുക്കില്‍!