ഇല -
മണ്ണിലേക്ക് മടങ്ങും മുന്‍പ്
തന്‍റെ നെഞ്ചിലേക്ക് നോക്കി .
കാലം കോറിയിട്ട മുറിവുകള്‍
തലങ്ങും വിലങ്ങും
സങ്കീര്‍ണമായ പാതകളിലൂടെ...
ഹൃദയത്തെ മുറിപ്പെടുത്താന്‍
ആരാണിത്രയും നഖക്ഷതങ്ങള്‍ കരുതിവച്ചത്?
വീഴുന്നതിന് മുമ്പാകുമോ
മുറിവുകള്‍ ഇത്രമാത്രം
കഠിനമായ
ഒരോര്‍മ്മപ്പെടുത്തലാകുന്നത്..
കാറ്റിന്‍റെ കനിവില്‍
ഉലഞ്ഞാടിയാടി, കടപുഴകി
ഓര്‍മകളുടെ പച്ചനിറം.
ഇല മണ്ണിലേക്ക് -
സ്വന്തം സങ്കടം പറയാന്‍,
അടിവേരുകളുടെ, തികച്ചും
അത്രതന്നെ
സങ്കീര്‍ണമായ മുറിവുകളിലേക്ക്....
No comments:
Post a Comment