തിരിച്ചു വരുന്നതുവരെ
വീട്
ഓരോരുത്തരുടെയും ഉള്ളിലുണ്ട്.
നടക്കുമ്പോളവര്‍
വീടിനകത്തെ ഓരോ ജനാലക്കാഴ്ചകളും
വാതില്‍പ്പുറത്തെ
വിരുന്നുകാരെയും എത്തിനോക്കുന്നു.
വീട്ടില്‍ നിന്ന്
പുറത്തേക്കുള്ള യാത്രയേക്കാള്‍
പുറത്തുനിന്ന്
വീട്ടിലേക്കുള്ള യാത്രക്ക് ദൂരമേറെ.
റാസല്‍ഖൈമയിലെ
തെരുവുകളില്‍ നിന്നും
സൂറത്തിലെ
ഖലികളില്‍ നിന്നും
കാശ്മീരിലെ
പട്ടാളബങ്കറുകളില്‍ നിന്നും
തൃശ്ശൂര് എത്താന്‍ ഒരേ ദൂരം!
പുറത്തു പോകുന്നതിനേക്കാള്‍
തിരിച്ചു വരുമ്പോളാണ്
വീടിന് കൂടുതല്‍ മണം.
കല്ലടുപ്പില്‍ വെന്തുടഞ്ഞ
ചക്കയലുവ കൂടെ നടക്കും.
കയ്യാലപ്പുറത്തെ
ചെമ്പകം കാതിനു മുകളില്‍
അമര്‍ന്നു കിടക്കും.
തിരിച്ചു വരുന്നതുവരെ
വീട്
ഒരു സ്വപ്നമാണ്.
പടിവാതില്‍ക്കലോളം എത്തി
ഉടഞ്ഞു പോകാവുന്ന ഒന്ന്.
വീട്
ഓരോരുത്തരുടെയും ഉള്ളിലുണ്ട്.
നടക്കുമ്പോളവര്‍
വീടിനകത്തെ ഓരോ ജനാലക്കാഴ്ചകളും
വാതില്‍പ്പുറത്തെ
വിരുന്നുകാരെയും എത്തിനോക്കുന്നു.
വീട്ടില്‍ നിന്ന്
പുറത്തേക്കുള്ള യാത്രയേക്കാള്‍
പുറത്തുനിന്ന്
വീട്ടിലേക്കുള്ള യാത്രക്ക് ദൂരമേറെ.
റാസല്‍ഖൈമയിലെ
തെരുവുകളില്‍ നിന്നും
സൂറത്തിലെ
ഖലികളില്‍ നിന്നും
കാശ്മീരിലെ
പട്ടാളബങ്കറുകളില്‍ നിന്നും
തൃശ്ശൂര് എത്താന്‍ ഒരേ ദൂരം!
പുറത്തു പോകുന്നതിനേക്കാള്‍
തിരിച്ചു വരുമ്പോളാണ്
വീടിന് കൂടുതല്‍ മണം.
കല്ലടുപ്പില്‍ വെന്തുടഞ്ഞ
ചക്കയലുവ കൂടെ നടക്കും.
കയ്യാലപ്പുറത്തെ
ചെമ്പകം കാതിനു മുകളില്‍
അമര്‍ന്നു കിടക്കും.
തിരിച്ചു വരുന്നതുവരെ
വീട്
ഒരു സ്വപ്നമാണ്.
പടിവാതില്‍ക്കലോളം എത്തി
ഉടഞ്ഞു പോകാവുന്ന ഒന്ന്.
No comments:
Post a Comment